Nunatsinni meeqqat atuarfii nutartetariaqarput

Ilami aamma nunatsinni inuit meeqqallu amerliartorput, taammaattumik tattorliornerit, inissaaleqinerit, tamakku aamma siunissaq eqqarsaatigalu aaqqittariaqarput piaartumik

Torsdag d. 7. november 2002
Monica Dorph
Emnekreds: Ilinniartitaaneq.

Kalaallit Nunaanni meeqqat atuarfii :
Ullumikkut meeqqat atuarfii qiviassagutsigit oqarsinnaavugut amilaarnaannarput! Kanngunaqaaq meeqqat taamannak atugaqartikkatsigit, ilami oqartuartarpugut meeqqat siunissarigigut. Taammaattorli init atuarfiusut, illutaallu ilaatigut isalluinnalerput, peqqinnarnatillu najussallugit! Ukioq naallugu tamakku eqqartorneqartuarput, iluamilli qanoq iliuseqartoqarnani, sooq meeqqat atuarfii salliutinneqalissanngillat massakkut??

Isumaqarpunga mittarfeqarfinnut akissaqarsinnaassagutta taava aamma atuarfiit nutarterneqarnissaannut akissaqarsinnaassalluta. Apeqqutaaginnarluni suut pingaartillugit tulleriaarneqassasut. Pingaartipparalu maannamiit atuarfiit nutarsarnissaannut aningaasat salliutinneqatariaqartut. Tassami siunissaq ungasinnerusoq eqqarsaatigalu akilersinnaanerussaaq tamakku iluarsagassat nutarsaanerillu pisariaqarput aallartisapallassallugit. Atuarfiit ullutsinnut naleqqukkunnaarsimapput, nalunngilarpullu init atuarfiusuni tattorliunerit annertungaatialereersimasut, aamma inissaaleqinerit atuartitsinarnernut akornutaajuarsimasut.

Ukiorpassuarnilu meeqqat atuarfii nutarsarneqarnissaannut tunulliunneqartuartarput, naak naluneqanngikkaluartoq ajornartorsiutaajuartoq. Taammaattumik tamanna unitsittariaqarpoq, tamakkulu ajornartorsiutaajuartarsimasut salliutinneqartariaqalerput sulissutigineqalertariaqarlutillu.

Tamakku tamaasa qaangerneqarsinnaalissapput nutarterinikkut iluarsartuussinikkullu!

Ilami aamma nunatsinni inuit meeqqallu amerliartorput, taammaattumik tattorliornerit, inissaaleqinerit, tamakku aamma siunissaq eqqarsaatigalu aaqqittariaqarput piaartumik.

Meeqqat malugalugu paasisariaqarpaat salliutinneqarlutik, taava sooq atuarfinnik pitsaanerusunik najorneqarsinnaasunillu sulliveqartissinnaasanngilagut?

Mvh Monica Dorph