Ilinniagaqartut amerliartorlik

Eqqarsaatigisakkamma ilangaat, nunatsinni ilinniagaqarniarneq akeqanngimmat! inuit ilisarisimasakka amerlaqisut marlunnik imaluunniit pigasunik inuutissarsiutissaminnit ilinniarsimasuupput. Soorunami tamanna nuannersuuvoq, tassuunatigut takusinnaasarparput inuit arlalinnik pikkoriffeqarluinnartut aammalu ilinniarnissaminnut piumassuseqarluinnartut

Onsdag d. 17. juli 2002
Ole Petersen
Emnekreds: Ilinniartitaaneq.

Kalaallit nunatsinni ukiumut akileraarutigut inuit amerlanngitsunnguulluta nunatta karsianut aammalumi kommuunit karsiinut isertut amerligisassaanngillat.

Eqqarsaatigisakkamma ilangaat, nunatsinni ilinniagaqarniarneq akeqanngimmat! inuit ilisarisimasakka amerlaqisut marlunnik imaluunniit pigasunik inuutissarsiutissaminnit ilinniarsimasuupput. Soorunami tamanna nuannersuuvoq, tassuunatigut takusinnaasarparput inuit arlalinnik pikkoriffeqarluinnartut aammalu ilinniarnissaminnut piumassuseqarluinnartut.

Aanali eqqarsarnartua! sooq?

nunatsinni inuit taama ikitsingaluta, inuit amerlanerit arlalinnik ilinniagaqarsimappat?

Immaqa! eqqortoq unaanerpa?

ilinniarsimasorpassuit atorfissaqartinneqanngimmata!

Arlalinnik ilinniagaqarsimangaluarlutik ilisimasaat annikippallaarmata!

Ilinniarsimagaluarlutik suliffitsik nakkutingisinnaangimmassuk!

Imalunniit inuit nunaqavissut tamatigut piginnaasaqaraluarlutik piginnaasamikkut ineriartornissaminnit periarfissinneqanngisaannaramik!

Soorunami inuit tamatta kukkusarpugut! tamattami inuinnaavugut! kisianni sooq? sunaana? peqqutaava? piginnaasagut immitsinnut iluaqutissanngorlugit atorumanngikkigut?

Imaannerpa? meeqqat atuarfianni meeqqanut annernut ilinniartitseriaaseq allanngorluinnartariaqarlernerpa? meeqqat annerit, soorlu 8,9, taavalu qummut inuutissarsiornermut tunnganerusunit sammisaqartissanerpagut? Una! anguniarlugu! meerartagut meeqqat atuarfianniit qimaguttartussanngorlugit, inuunermi annersaani inuutissarsiummit "eqqortumik" qinersisinnaasunngorlugit.

Tassami taamaasinikkut aningaasat allanut aamma siunertaqartunut atorneqartarniassammata, soorunami ilinniagaqarneq siunertaqarpoq! Kisiannilu nunamut annertuumik aningaasartuutaasussamik nunami innuttat pilersitsisariaqanngillat. Ilinniagassatsinnik qinersingaagatta taama amerlatingisut ukiut marluk ingerlaneranni isummaminnik allangortitsippata taava periaatsinik allannguisariaqalersimassaagut.

Isumaqanngilaga ilinniagaqareersimasoq, allamik ilinniagaqassagunik nammineq aningaasartuutigissangaat, taamaasilluni inuiaat aningaasatigut ajornartorsiutaat aaqqissalluni, naagga! aammami pitsaassagaluaqaaq! inuit piumassuseqalertuuppata ilinniagaqarnermik aningaasartuutaasut avinneraluunniit akilerumasassappassuk!

Isumaqarluinnarpuga, meeqqat sungiusartinneqartariaqartut piginnaanilerlugit, siunissami inuussutissarsiutissamik aaliagerniarnerminnut nalorninatik aaligersinnaagorlugit.

Isumaqarpuga tamanna angajoqqaat kisimik suliassarinngikkaat, kisiannili inuiaqatingiit tamakkiulluta soqutingisarigipput nunatsinni inuit atugaat tamanit pitsanngorsassappata aamma pisussanut aggersunut piareersarneq soqutigisariaqaripput.

Illimmi qanoq isumaqarpit?
Ikinngutinnersumik
Uuli